Нэг. Ерөнхий зүйл
www.MyTV.mn  веб хуудас нь Монголын телевизүүдийн нэвтрүүлгүүдийг олон улсын интернет сүлжээг ашиглан гадаад сурч ажиллан амьдарч буй монголчуудад төлбөртэйгээр үзүүлэх зорилготой хийгдсэн.Дээрхи веб хуудсан дээр үзүүлж буй нэвтрүүлэг болон уран бүтээлүүд нь тухайн телевиз болон уран бүтээлчидтэй Монгол улсын Зохиогчийн эрхийн хуулийн дагуу хийсэн гэрээг үндэслэн тавигдсан бөгөөд бүх  үйл ажиллагаа Монгол улсын хуулийн хүрээнд хийгдэж байгаа болно.

Хоёр. Үйлчлүүлэгчийн үүрэг

1. MyTV төлбөрт веб сайтийг ашиглахын тулд хэрэглэгчээр бүртгүүлэх шаардлагатай бөгөөд  шинэ хэрэглэгчийн бүртгэлийг үнэн зөвөөр бүрэн бөглөх үүрэгтэй.
2. Үйлчлүүлэгч нь  бусадтай давхардаагүй ID буюу хэрэглэгчийн нэр сонгож аваад  түүнд харгалзах нууц үгийг үүсгэх  бөгөөд хэрэглэгчийн ID болон нууц үгээ бусдад дамжуулахгүй байх үүрэгтэй.
3. Хэрэглэгчийн ID болон нууц үгээ бусдад алдах болон өөр сэжигтэй тохиолдолд яаралтай Admin@MyTV.mn хаягаар мэдэгдэх  үүрэгтэй.
4. Төлбөрийг төлөх явцад кредит картанд хамаарах нууцлалыг чанд сахих үүрэгтэй.

Гурав. Үйлчлэгчийн үүрэг

1. Үйлчлэгч буюу www.MyTV.mn  нь веб хуудасны тогмол найдвартай үйл ажиллагааг хангах үүрэгтэй.
2.  Үйлчлүүлэгчийн талаархи бүх төрлийн мэдээлэлийг чандлан нууцалж бусдад буюу 3-дагч этгээдэд дамжуулахгүй байх үүрэгтэй.
3. Веб сайттай холбоотой бүх төрлийн саатал болон техникийн засвар үйлчилгээний талаар цаг алдалгүй үйлчлүүлэгчид eMail–ээр мэдэгдэх үүрэгтэй.

Дөрөв. Төлбөр тооцоо

1.  www.MyTV.mn  нь төлбөрт буюу Pay per view веб хуудас үзэх хоногийнхоо хэмжээгээр төлбөр төлөгдөнө.
2.  Шинээр үйлчлүүлэгч буюу хэрэглэгчээр бүртгүүлэх үед төлбөрийн данс нээгдэх ба уг дансаа кредит картаар болон бусад төлбөрийн хэлбэрээр цэнэглэсний дараа нэвтрүүлгүүдийг үзэх боломжтой болно.
3. Нэвтрүүлэг бүр тусдаа үнэлгээтэй бөгөөд тухайн нэвтрүүлгийн ҮЗЭХ гэсэн товчлуурыг дарснаар нэвтрүүлгийг үзэх эрх нээгдэх ба таны төлбөрийн данснаас уг нэвтрүүлгийн үзэх төлбөр хасагдана.
4. Үзэх эрх нь 24 цагийн турш үргэлжилэх бөгөөд уг хугацааны туршид нэвтрүүлгээ хэдэн ч удаа үзэх болмжтой.
5. Үнэ ханш
   
   

   Хоног	Үнэ
   30	12 $
   90	32 $
   180	62 $

Тав. Үйлчилгээний техникийн шаардлага

1. Веб хуудсан тавигдаж буй дүрс бичлэгүүд нь Flash video форматаар хөрвүүлэгдсэн тул Flash Player суулгасан байх.
2. Pentium III 500 Mhz.,128 MB Ram бүхий PC буюу түүнээс дээш хүчин чадалтай  PC.
3. ADSL 256 kps. түүнтэй адилтгах болон түүнээс хурдтай интернет холболттой байх
4. Windows, Linux, Unix  болон MacOS үйлдлийн систем дээр суурилсан  Internet Explorer, Mozilla Firefox ба Opera интернет хөтчүүдийг  ашигладаг байх.

Зургаа. Бусад

1. Веб дээр тавигдсан бүтээлүүдийг үзэх явцад татаж авах болон бусад хэлбэрээр интернет ашиглан түгээх, хуулах өөр веб сайт дээр тавих зэргийг хатуу хориглоно.
2. Веб сайтын эсрэг аливаа нэгэн сэжигтэй үйлдэл илрэх тохиолдолд болон 180 хоногоос дээш хугацаанд ашиглаагүй тохиолдолд гишүүнчлэлийг www.MyTV.mn ээс хаах эрхтэй.
3. Үйлчлүүлэгч нь нь уг төлбөрт үйлчилгээнээс татгалзсан тохиолдолд дансандаа байгаа үлдэгдэл мөнгөө эргүүлэн авах эрхтэй бөгөөд www.MyTV.mn ний зүгээс 14 хоногийн дотор барагдуулна.
4. Үйлчлүүлэгч болон www.MyTV.mn ний хооронд ямар нэгэн маргаантай асуудал гарсан тохиолдолд Монгол улсын хуулийн хүрээнд шийднэ.